© 2026 Karas
Վեբ դիզայն և ծրագրավորում 
«Կարաս գրուպ»- ում սննդի որակի և անվտանգության վերահսկումը մշտապես եղել է առաջնահերթություն։ Դեռևս 2016 թվականից ներդրված HACCP համակարգը (Hazard Analysis and Critical Control Point) դարձել է մեր սննդի արտադրության անբաժանելի մասը՝ թույլ տալով կառավարել սննդի անվտանգության ռիսկերը ամենաբարձր մակարդակով։
Ի՞նչ է HACCP համակարգը և ինչու է այն կարևոր:
HACCP-ը միջազգային ճանաչում ունեցող մեթոդ է, որը կիրառվում է սննդի պատրաստման ողջ շղթայում՝ հումքի ստացումից մինչև վերջնական մատուցում։ Այս համակարգի շնորհիվ առաջատար սննդի ցանցերը, ինչպես «Կարաս»- ը, կարողանում են կանխարգելել վտանգավոր գործոնները և ապահովել անվտանգ սնունդ։
«Կարաս»- ի նպատակն է մատուցել բարձրորակ, անվտանգ և էկոլոգիապես մաքուր հումքից պատրաստված ուտեստներ։ HACCP-ի շնորհիվ խուսափում ենք այնպիսի ռիսկերից, որոնք կարող են վնասել առողջությանը՝ միաժամանակ պահպանելով միջազգային սննդային չափանիշները։
Որակի վերահսկման կենտրոն և աշխատակիցների շարունակական թրեյնինգներ:
«Կարաս» ազգային սննդի ցանցում առանցքային նշանակություն ունեն նաև անձնակազմի պարբերական թրեյնինգները, որոնք իրականացվում են բոլոր օղակներում։ Այս ծրագրերը նախատեսված են աշխատակիցներին փոխանցելու
համապատասխան հմտություններ,
սննդի անվտանգության գործիքակազմ,
և հնարավոր ռիսկերն ի սկզբանե հայտնաբերելու մեթոդներ։
Մասնագետները սովորում են վերահսկել սննդի պատրաստման բոլոր փուլերը, ինչի շնորհիվ ապահովվում է որակ և վստահություն՝ ամենափոքր մասնաճյուղից մինչև կենտրոնական խոհանոց։
Ինչպե՞ս է իրականացվում սննդի որակի վերահսկումը «Կարաս»- ի մասնաճյուղերում:
«Կարաս»-ում սննդամթերքի որակը խստորեն վերահսկվում է՝ սկսած հումքի ընտրությունից մինչև սպասարկման վերջին քայլը։ Մեր արտադրական պրոցեսները ներառում են՝
հումքի ստուգում մուտքագրման պահին,
պահեստավորման համապատասխան պայմանների պահպանում,
սանիտարական կանոնների խստագույն հսկողություն,
և թարմության ու փաթեթավորման ժամանակին իրականացվող ստուգումներ։
Այս ամենը նպաստում է, որ մեր հաճախորդները վայելեն բարձրորակ և անվտանգ ուտեստներ, անկախ նրանից՝ որ մասնաճյուղում են գտնվում։
Պարբերական շրջայցեր և համակարգի կատարելագործում:
«Կարաս»- ի որակի վերահսկման բաժինը պարբերաբար իրականացնում է շաբաթական շրջայցեր՝ ուսումնասիրելու արտադրության իրական պայմանները բոլոր մասնաճյուղերում։
Մասնագետները գնահատում են՝
📌 հումքի մուտքագրումը
📌 պատրաստման գործընթացը
📌 սանիտարական պայմանները
📌 ծառայության որակը
Սա թույլ է տալիս պահպանել բարձր ստանդարտները և կանխել ցանկացած խնդիր՝ նախքան այն կհասնի սպառողին։
Հաճախորդների կարծիքի հիման վրա կատարելագործում:
Մենք կարևորում ենք հաճախորդների կարծիքները և արձագանքները:։ Հետադարձ կապի մշտական վերլուծությունը, հարցումները և սպառողների գնահատականները օգնում են բարելավել ծառայությունները։
Ահա թե ինչպես ենք մշտապես զարգանում՝ առաջարկելով ավելի համեղ, անվտանգ և վստահելի սնունդ մեր այցելուներին։
«Կարաս» ազգային սննդի ցանցը շարունակում է մնալ սննդի որակի և անվտանգության պահպանման առաջատարներից մեկը՝ շնորհիվ HACCP համակարգի և որակի վերահսկման գործընթացների: Համակարգի կիրառումը թույլ է տալիս ցանցին ապահովել բարձրորակ և անվտանգ սնունդ իր հաճախորդների համար՝ պահպանելով որակի միջազգային չափանիշները: Արդյունքում, «Կարաս»ի սննդամթերքի անվտանգությունը և որակը դառնում են սննդի ոլորտում վստահության և հաջողության կարևոր հենասյուներ, ինչը գնահատվում է թե՛ սպառողների, թե՛ մասնագիտական հաստատությունների կողմից:
Կարդալ ավելին
Այսօր՝ անորոշ ժամանակներում, երբ մարտահրավերները գերակշռում են, խոշոր բիզնեսները միայն տնտեսական հաջողություն գրանցելը բավարար չեն համարում։ Նրանք ունեն ավելի լայն առաքելություն՝ լինել համայնքի կողքին, աջակցել բանակին, խոցելի խմբերին ու նպաստել երկրի կայունությանը։ Այդ արժեքներով է առաջնորդվում նաև «Կարաս»- ը՝ հանդիսանալով հայկական բիզնեսի լավագույն օրինակներից մեկը, որը տարիներ շարունակ ձևավորում է սոցիալական պատասխանատվության մշակույթը Հայաստանում։
Ինչպե՞ս է Կարասը աջակցում հայրենիքին:
Կարասը մշտապես իր ներկայությունն է զգացնել տալիս այնտեղ, որտեղ աջակցություն է պետք։ Մեր բարեգործական ծրագրերն ուղղված են եղել բազմաբնույթ խմբերի աջակցմանը՝ սկսած սահմանապահներից մինչև վիրավորված զինծառայողներ, սոցիալապես անապահով ընտանիքներ ու երեխաներ։
Միայն 2022 թվականի դեկտեմբերին, «Կարաս»- ն իրականացրեց լայնածավալ բարեգործական ծրագիր՝ տրամադրելով 10,000-ից ավել տեղական խոզի խորովածի չափաբաժիններ հետևյալ կազմակերպություններին և խմբերին՝
ՈՄԱ
Հայ Օգնության Ֆոնդ
Երկրապահ կամավորականներ
Զոհված զինծառայողների ընտանիքներ
Պատերազմի մասնակիցներ
Վիրավոր զինծառայողներ
Սահմանապահների ընտանիքներ
«Կարաս»- ի սոցիալական ծրագրերն ու շարունակական աջակցությունը:
«Կարաս»-ը մասնակցել է հարյուրավոր ծրագրերի, որոնցից մի քանիսը՝
«Սահմանն իմ հոգում» ծրագիր – Օգնություն է տրամադրվել Տավուշի մարզի 11 սահմանամերձ գյուղերի 1328 երեխայի և ավելի քան 10,000 զինվորի,համագործակցելով մեր գործընկեր կազմակերպությունների հետ։
Անվճար սնունդ 40,000 արցախցու – Պատերազմական իրադրության պատճառով բռնի տեղահանված արցախցիներին ապահովել ենք սննդով։
Կարանտինային աջակցություն – Համավարակի ժամանակ մեկ ամսվա ընթացքում 30,000 մեկուսացված անձանց, բուժաշխատողներին և քաղծառայողներին տրամադրել ենք անվճար սնունդ։
2020թ. պատերազմական աջակցության ծրագիր – Արցախից ՀՀ տեղափոխված 40,000 հայրենակիցներ ապահովվել են անվճար սննդով։
Ամանորյա նվիրատվություններ – Տրամադրել ենք սնունդ մոտ 1000 ընտանիքի՝ Երկրապահներին, Զինվորի Տանը, զոհված զինծառայողների, պատերազմի մասնակիցների և սահմանապահների ընտանիքներին։ Կազմակերպել ենք նաև ամանորյա հյուրասիրություն Արցախի զորամասերի զինվորների համար։
Անվճար սնունդ հայրենակիցներին – «Հրաշամանուկ» բարեգործական կազմակերպության միջոցով սնունդ ենք տրամադրել Արցախից և ՀՀ սահմանամերձ գյուղերից ժամանած հայրենակիցներին։
Կրթական ծրագրեր – Իրականացրել ենք կրթական խմբակների ստեղծում սահմանամերձ գյուղերի երեխաների համար։
Արյան դոնորություն – Մեր թիմը մասնակցել է «Նվիրիր կյանք» ծրագրին՝ դառնալով արյան դոնորներ հիվանդ երեխաների համար։
«Նվիրենք մանուկներին Ամանոր» ծրագիր – Տրամադրել ենք ամանորյա նվերներ մանկատների երեխաներին։
Աջակցություն քաղցկեղով հիվանդ երեխաներին – Տարիներ շարունակ աջակցել ենք քաղցկեղով հիվանդ երեխաներին՝ ֆինանսական օգնություն տրամադրելով «Bridge of Health» ծրագրի շրջանակներում։
«Կարաս» Ազգային Սննդի ցանցը տարիներ շարունակ ապացուցել է, որ սոցիալական պատասխանատվությունն իր գործունեության անբաժանելի և հիմնարար բաղադրիչն է։ Աջակցելով զինծառայողներին, սահմանամերձ համայնքներին, պատերազմի մասնակիցներին, հիվանդ երեխաներին և տարբեր կարիքավոր խմբերին՝ «Կարաս»-ը հետևողականորեն գործում է՝ հավատարիմ մնալով ազգային արժեքներին, հասարակության հանդեպ հոգատար վերաբերմունքին և հանրային վստահությանը։
Նմանատիպ բարեգործական ծրագրերը, որոնք ձևավորում են ընկերության բարեգործական գործունեության հիմքը, ոչ միայն արտացոլում են նրա հասարակական աջակցության պատրաստակամությունը, այլ նաև ծառայում են որպես օրինակ՝ խրախուսելով այլ կազմակերպություններին ևս դառնալ սոցիալական պատասխանատվությամբ առաջնորդվող բիզնեսներ։
Կարդալ ավելին
«Կարաս» ազգային սննդի ցանցը ուրախությամբ հայտնում է, որ 2023 թվականի ամռանից սկսած մենք նախաձեռնել ենք բրենդի ռեբրենդինգը, որը նպատակ ունի արդիականացնել մեր առկայությունը և ներդնել նոր շունչ «Կարաս» ազգային սննդի ցանցում։
Ինչո՞ւ է ռեբրենդինգը կարևոր սննդի ոլորտում գործող ընկերությունների համար։
Որպես հայկական ազգային խոհանոց ներկայացնող բրենդ, մեր նպատակը մնում է անփոփոխ՝ լինել վստահելի, ճանաչելի և ժամանակին համահունչ։
Մեր պատմությունը սկսվեց 2005 թվականին, երբ մենք հիմնեցինք «Կարաս»-ը՝ որպես Հայաստանում գործող խոշորագույն սննդի ցանցերից մեկը։ Մենք շարունակում ենք մեր առաքելությունը՝ մատուցելով մեր հաճախորդներին ազգային խոհանոցի լավագույն ընտրանիները՝ համահունչ ժամանակակից կյանքի ռիթմին։
Իսկ ինչպե՞ս կարող է բրենդը պահպանել ազգային արմատներն ու միաժամանակ նորանալ։
Մենք գտել ենք մեր պատասխանը՝ ռեբրենդինգի միջոցով։
Ռեբրենդինգի արդյունքում պահպանվելու է լոգոյի կարմիր գույնն ու անվանումը, քանի որ 20 տարի մեզ ճանաչում են այդ անունով։ Նոր լոգոն մշակվել է Braind ընկերության հետ համատեղ, իսկ ներքին դիզայնի թարմացման աշխատանքները իրականացվել են Archangel ընկերության հետ միասին։ Նորարար մոտեցումը և ռազմավարական դիզայնը նպատակ ունեն համադրել բրենդի ինքնությունը և նոր սերնդի սպասելիքները։
Հպարտությամբ ներկայացնում ենք «Կարաս» ազգային սննդի ցանցի նոր լոգոն, որը ներկայացնում է ավանդույթի եւ նորարարության ներդաշնակ համադրություն։ Պահպանելով բրենդի ԴՆՔ-ն՝ անվանման և Կարասի խորհրդանիշի օգտագործման տեսանկյունից, մշակվեց նոր տարբերանշան՝ որը միաժամանակ պատմում է անցյալի մասին և միտված է ապագային։
Նոր տարբերանշանը միավորում է ավանդույթի և մշակութային ժառանգության տարրերը, ներկայացնելով «Կարաս»-ը՝ որպես արհեստի խորհրդանիշ, որը կրում է մեր պատմության, արժեքների և ազգային խոհանոցի առանձնահատկությունների հատկանիշները։ Այս մոտեցումը կապում է անցյալն ու ներկան՝ միաժամանակ հիմք ստեղծելով ապագա զարգացումների համար։
Լոգոյի կենտրոնական տարրերը արտացոլում են մեր բրենդի խորքային արժեքները՝ որակի նկատմամբ հավատարմությունը, համաձայնություն նորարարության հետ, և ժամանակակից աշխարհում մեզանից սպասվող նոր հնարավորությունները։ Այս ամենը հավաստում է, որ «Կարաս»-ը շարժվում է դեպի միջազգային աճ, պահելով իր հայկական ինքնությունը։
Սիրով սպասում ենք ձեզ մեր կենտրոններում՝ ծանոթանալու մեր նորացված տեսքին և զգալու ազգային խոհանոցի համն ու ջերմությունը։
Որտե՞ղ կարող եք այսօր վայելել համեղ հայկական ճաշատեսակներ՝ արդի միջավայրում։
Իհարկե՝ «Կարաս»-ում։ Մենք շարունակաբար կփորձենք ապահովել մեր հաճախորդներին լավագույն որակ՝ հետևելով ժամանակակից, արագ և պատասխանատու սպասարկման չափանիշներին։
«Կարաս» – ավանդույթները նորարարությամբ։
Կարդալ ավելին
Հիմնադրում և զարգացում
«Կարաս» ազգային սննդի ցանցը հիմնադրվել է 2005 թվականին Հայաստանում և այսօր հանդիսանում է երկրի խոշորագույն սննդի ցանցերից մեկը։ Ինչպե՞ս է «Կարաս»-ը վերածվել ազգային բրենդի։ Մեր ցանցը ներառում է 13 մասնաճյուղ Երևանում, ինչպես նաև մասնաճյուղեր Աբովյանում և Ծաղկաձորում, շարունակաբար ընդլայնելով մեր սննդի ցանցը Հայաստանում։
2017 թվականին «Կարաս»-ը մուտք գործեց ամերիկյան շուկա, բացելով իր առաջին մասնաճյուղը Գլենդելի կենտրոնում։
Որտե՞ղ կարող եք վայելել հայկական ավանդական ուտեստներ ԱՄՆ-ում։
Իհարկե՝ «Կարաս»-ում, որտեղ առաջարկում ենք հայկական ավանդական ուտեստներ և բարձրորակ սպասարկում, ներառյալ խորովածներ, տոլմա, հարիսա և այլ կերակրատեսակներ։
Հաճախորդներ և առաջարկներ
Ամսական սպասարկելով ավելի քան 250,000 հաճախորդի, «Կարաս»-ը դարձել է Հայաստանում սիրված սննդի բրենդ, առաջարկելով ավելի քան 300 ապրանքային միավոր։
Ինչո՞ւ է մեր սպասարկումն այդքան սիրված։
Տարիների ընթացքում ձևավորված վստահությունը, արագ առաքումը, և համեղ ազգային ճաշատեսակները դարձել են մեր հաջողության հիմքը։
Առաքման ծառայությունը, որը հիմնադրվել է 2008 թվականին, այսօր հանդիսանում է Հայաստանում ամենամեծերից մեկը, ապահովելով արագ, հարմարավետ, և անվտանգ սննդի առաքում։
Մեր տեսլականը
Մենք ձգտում ենք դառնալ մասսայական ազգային սննդի բրենդ, որը ներկայացնում է հայկական ավանդական խոհանոցը՝ տնական բրդուճներ, քյաբաբներ, աղցաններ` ժամանակակից կյանքի տեմպին համապատասխան։
Ո՞րն է մեր հիմնական նպատակը։
Լինել յուրօրինակ օրինակ, երբ ազգային ուտեստներն ու ժամանակակից սպասարկումը համադրվում են մեկ վայրում՝ «Կարաս»-ում։
Մեր առաքելությունը
«Կարաս»-ը նպատակ ունի սպասարկել հասարակության լայն շերտերին, մատուցելով համեղ, որակյալ և մատչելի ազգային սնունդ` , որն ունի գնի ու որակի լավագույն համադրություն։
Մեր արժեքները
Հասանելիություն
Պատասխանատվություն
Լավագույն առաջարկ
Ժամանակակից ազգային մոտեցում
Արագ ծառայություն
Կարևոր տարեթվեր
2008: «ԿԱՐԱՍ»-ը առաջինն էր, ով մեկնարկեց սեփական առաքման ծառայությունը:
2013: Արժեքների փոփոխությամբ ռեբրենդինգ:
2016: HACCP (Hazard Analysis and Critical Control Point) որակի չափանիշների ներդրում, որը ապահովում է սննդամթերքի անվտանգության վերահսկողությունը:
2017: Միջազգային շուկա դուրս գալու հայտարարություն և Գլենդելի առաջին սպասարկման կետի բացում:
Հպարտանում ենք մեր հայկական մշակույթով և ծառայություններով, որոնք կապում են ավանդույթներն ու ժամանակակից կյանքը: «Կարաս» ազգային սննդի ցանցը ձեր լավագույն ընտրությունն է:
Կարդալ ավելին
Հայկական խոհանոցն իր հարուստ ավանդույթներով ու յուրահատուկ համերով վաղուց գրավել է համաշխարհային ուշադրությունը։
Բայց ո՞վ ներկայացրեց այն միջազգային մակարդակում ավելի համարձակ ու լայնորեն։
Սակայն «Կարա» ազգային սննդի ցանցը նոր մակարդակի բարձրացրեց հայկական խոհանոցը՝ այն ներկայացնելով ԱՄՆ շուկայում, որտեղ հայկական ազգային խոհանոցի առկայությունը, ոչ միայն պահանջված էր, այլև սպասված:
2017 թվականի դեկտեմբերի 27-ին «Կարասը» բացեց իր առաջին մասնաճյուղը ԱՄՆ-ում՝ Գլենդելում, Կալիֆոռնիայի սրտում՝ 158 South Brand Boulevard հասցեում։ Այս իրադարձությունը դարձավ միաժամանակ բիզնես քայլ և մշակութային կամուրջ՝ կապելով հայկական համերը նոր շուկայի հետ։
Գլենդելի մասնաճյուղը ներկայացնում է հայկական ավանդական ուտեստների ողջ հմայքը՝ դոլմա, խորոված, խաշլամա, հարիսա, լահմաջո, թանապուր և այլ ճաշատեսակներ, որոնք հպարտորեն պահպանում են մեր մշակութային ժառանգությունը։
Սակայն այս նոր շուկայում հաջողության հասնելու համար անհրաժեշտ էր առաջարկել նաև այլընտրանքներ։ Ուստի, ճաշացանկը համալրվեց եվրոպական ու ամերիկյան խոհանոցի տարբերակներով` տարբեր բուրգեր, չիքեն նագեթս, ֆրի, մոցարելլայի ձոխիկներ և այլ արագ սննդի տարբերակներ, որոնք հարմարեցված էին տեղական շուկային:
Սա «Կարաս»- ին հնարավորություն տվեց գրավել ավելի լայն լսարան՝ միաժամանակ չխախտելով իր հայկական ինքնությունը։
Ռեստորանը նաև առանձնանում է իր 400 քմ մակերեսով տարածքով, որը համալրված է «Կարաս» բրենդի ֆիրմային դիզայնով։ Հաճախորդները կարող են վայելել ժամանակակից միջավայր, որը համատեղում է ավանդական հայկական շունչը:
ԱՄՆ-ում «Կարասի» հաջողությունը շարունակվեց արագ տեմպերով, ինչը պայմանավորված էր ոչ միայն բարձր որակով, այլև մենյուի բազմազանությամբ և մատչելիությամբ։
Արդյունքում, 2022 թվականին «Կարաս» ազգային սննդի ցանցը բացեց իր երկրորդ մասնաճյուղը ԱՄՆ-ում, Վան Նայս քաղաքում՝ 13663 Vanowen Street հասցեում։ Այս նոր մասնաճյուղը կարևոր նշանակություն ունի, քանի որ այն հաստատում է «Կարաս»- ի դիրքերը ամերիկյան շուկայում, միաժամանակ ընդլայնելով հաճախորդների շրջանակը։
Այս մասնաճյուղը նույնպես շարունակում է առաջարկել հայկական ավանդական ուտեստներ, ինչպիսիք են՝ դոլմա, խորոված, խաշլամա, լահմաջո, հարիսա և այլ ուտեստներ, պահպանելով «Կարասի» ֆիրմային ոճը և ժամանակակից մոտեցումները։
Այն հնարավորություն է տալիս ոչ միայն ամերիկահայ համայնքին, այլև տեղացիներին ծանոթանալու հայկական խոհանոցի յուրահատկություններին՝ արագ սննդի և մատչելի ռեստորանային ծառայության շրջանակներում։
«Կարաս»- ը չի պատրաստվում կանգ առնել։ Ամերիկյան շուկայում երկրորդ մասնաճյուղի բացումը միայն սկիզբն է։ Բրենդը շարունակում է իր զարգացման ու ընդլայնման ուղին, նպատակ ունենալով գրավել նոր քաղաքներ և շուկաներ։
Այսօր «Կարաս» ազգային սննդի ցանցը շարունակում է մնալ հաջողված բրենդ, որը ներկայացնում է հայկական խոհանոցի հմայքը, բարձր որակը, արագ սպասարկումը և հյուրընկալության ավանդույթները, միաժամանակ ստեղծելով նոր հնարավորություններ ու հարթակներ հայկական մշակույթի միջազգային տարածման համար։
Այսպիսով, «Կարասի» ընդլայնումը ԱՄՆ-ում ոչ միայն բիզնես հաջողություն է, այլև նշանակալի քայլ է հայկական խոհանոցի և մշակույթի միջազգային ճանաչման գործում։
Կարդալ ավելին
«Կարաս» ընկերությունն արդեն 10 տարի է, ինչ համագործակցում է «Վերակառուցման և Զարգացման Եվրոպական Բանկի» (EBRD) հետ՝ մի շարք կարևոր և հաջողված նախագծեր իրականացնելու ուղղությամբ։
Այս համագործակցությունը ոչ միայն նպաստել է ընկերության աճին, այլև կարևորվել է բիզնեսի բոլոր ասպեկտների բարելավմամբ՝ մարդկային ռեսուրսների զարգացումից, մինչև մատակարարման շղթաների արդյունավետ կառավարում։
Մարդկային ռեսուրսների կառավարման բարեփոխումներ
«Կարաս»- ի զարգացման հիմնական ուղղություններից մեկը եղել է մարդկային ռեսուրսների կառավարման համակարգի բարելավումը։ Այս գործընթացը սկսվել է Եվրոբանկի աջակցությամբ՝ ներգրավելով միջազգային փորձագետների և պրոֆեսիոնալ խորհրդատուների, ինչպիսին է Սթիվ Վինխեմը՝ երկար տարիների փորձ ունեցող սպասարկման ոլորտի մասնագետ։
Ինչու՞ է կարևոր արտաքին խորհրդատուների ներգրավումը ծառայությունների որակի բարձրացման հարցում:
Հիմնվելով նրանց փորձի վրա, «Կարաս»- ը մշակեց աշխատանքային գործընթացների փաստաթղթավորում և գնահատման համակարգ, որը ուղղված էր տարբեր հաստիքների աշխատակիցների մասնագիտական զարգացմանն ու վերապատրաստմանը։
Այս բարեփոխումները մեծ դերակատարություն ունեցան բիզնեսի զարգացման գործընթացում՝ շնորհիվ աշխատակիցների ինքնագնահատման բարձրացման և նրանց զգացողությանը, որ իրենց ներդրումը կարևոր է բիզնեսի հաջողության համար։ «Կարաս»-ա ը ոչ միայն ստացավ իր ներդրումների արդյունքը, այլև հասավ նոր բարձունքների իր մարքեթինգային ռազմավարության միջոցով՝ վերլուծելով հաճախորդների սովորությունները և ուսումնասիրելով շուկայի ակնկալիքները։
Ի՞նչ ազդեցություն ունեցավ մարդկային ռեսուրսների բարելավումը հաճախորդների գոհունակության վրա:
Սննդի անվտանգության համակարգի ներդրում
EBRD-ի հետ համագործակցության կարևորագույն բաղադրիչներից մեկը եղել է HACCP (Hazard Analysis and Critical Control Point) որակի կառավարման համակարգի ներդրումը։ Այս համակարգը ապահովում է սննդամթերքի անվտանգության վերահսկողություն արտադրության և իրացման բոլոր փուլերում, ինչը առանցքային է հասարակական սննդի ոլորտում։
«Կարաս»-ը մշտապես վերահսկում է սննդի անվտանգության բոլոր ռիսկերը՝ վերացնելով դրանք նախքան դրանց առաջացումը։ Հատուկ ուշադրություն է դարձվում սննդամթերքի մատակարարներին, ովքեր նույնպես պետք է համապատասխանեն HACCP չափանիշներին՝ ապահովելու համար անվտանգ և որակյալ մթերքների մատակարարում։
EBRD-ի հետ կնքված նոր պայմանագիրը, որը ներառում է նաև Ինեկոբանկի մասնակցությունը, կբերի նոր հորիզոններ «Կարաս գրուպ»-ի համար՝ աջակցելով միջազգային շուկա դուրս գալու ծրագրերին։
Ընկերության ներկայացուցիչ Մերի Յուզբաշյանը EBRD 2024 բիզնես ֆորումի շրջանակում խոսեց մատակարարման շղթայի և դրա խնդիրների մասին՝ շեշտելով այս թեմայի կարևորությունը բիզնեսի արդյունավետության բարձրացման հարցում։
Այս երկարամյա համագործակցությունը ոչ միայն ամրապնդեց «Կարաս»-ի դիրքերը Հայաստանում, այլև հիմք ստեղծեց միջազգային շուկա մուտք գործելու համար, միաժամանակ պահպանելով բարձր որակի ստանդարտները և պատասխանատվությունը։
EBRD-ի հետ շարունակական աշխատանքները ապացուցում են, որ հաջողությունը բիզնեսում գալիս է ոչ միայն ընդլայնման, այլև՝ որակի վերահսկման, ռիսկերի կառավարման և մարդկային ռեսուրսների զարգացման ուղղությամբ ներդրումների շնորհիվ։
Կարդալ ավելին
Ամեն ամառ Սևանի ափերին հավաքվում են նորարար գաղափարներով ու վառ երազանքներով առաջնորդվող ստարտափներ ու ձեռնարկատերեր։ Sevan Startup Summit 2023-ը ևս բացառություն չէր, և այս նախաձեռնությանը իր անբաժան մասնակցությունն ունեցավ «Կարաս» ազգային սննդի ցանցը, որը դարձավ ոչ միայն պաշտոնական սննդի գործընկեր, այլև միջոցառման կարևոր կենտրոններից մեկը։
Ինչու՞ է կարևոր նման հարթակներում սննդի ճիշտ կազմակերպումը և գործընկեր բրենդի ներկայությունը:
«Կարաս»-ը, որպես միջոցառման պաշտոնական Food Partner, ստեղծեց Karas Food Zone-ը. մի տարածք, որտեղ ստարտափների ներկայացուցիչները, ներդրողները և նորարարները կարող էին համախմբվել, շփվել և վայելել հայկական հյուրասիրությունը` քյաբաբ, շաուրմա, ֆրի, իքիբիր և այլ ուտեստներ։
Karas Food Zone-ը դարձավ Summit-ի ամենաշարժուն անկյուններից մեկը։ Այստեղ կարելի էր ոչ միայն ճաշակել «Կարաս»-ի ազգային ուտեստները (օրինակ՝ խորոված, քյաբաբ, մսով ուտեստներ), այլև մասնակցել խաղերի, մրցույթների, և հաճելի ժամանակ անցկացնել նոր ծանոթների հետ։
Սևանի բնությունն ու ստարտափ համայնքի ստեղծարար ոգին «Կարաս»-ի ջերմ հյուրընկալության հետ ստեղծեցին անմոռանալի փորձառություն։
«Կարաս»-ի մասնակցությունը նմանատիպ միջոցառումներին ևս մեկ անգամ ընդգծում է ընկերության ներդաշնակ կապը հայկական մշակույթի, նորարարության և որակյալ սննդի միջև։
«Կարաս»-ը ոչ միայն սննդի մասին է, այլև փորձառության։ Եվ ուր կան գաղափարներ, «Կարաս»-ը այնտեղ կլինի՝ համով, ջերմ և հյուրընկալ։
Կարդալ ավելին
Հայկական գինու և համեղ ուտեստների սիրահարների ամենասպասված միջոցառումներից մեկը՝ Երևանի Գինու Օրերը, այս տարի ևս անցկացվեց գունեղ ու շքեղ մթնոլորտում։ Եվ, ինչպես միշտ, «Կարաս» ազգային սննդի ցանցը չէր կարող բացակայել նման տոնից։
«Կարաս»-ի տաղավարը դարձավ իրական համի ու մշակույթի կանգառ, որտեղ այցելուները հնարավորություն ունեին համտեսելու տեղում պատրաստվող ավանդական հայկական ուտեստներ, ինչպիսիք են իքիբիր, սմբուկով ռոլլեր, և այլ հին ուտեստներ, որոնք իդեալական կերպով համադրվում էին Հայաստանի տարբեր մարզերից ներկայացված հայկական գինիների հետ։
Բացի ուտեստներից, «Կարաս»-ն իր տաղավարում ստեղծել էր ջերմ ու անմիջական մթնոլորտ, որտեղ մարդիկ կանգնում էին ոչ միայն ուտելու, այլև՝ զրուցելու, ծանոթանալու և պահը վայելելու։
Ինչպե՞ս է համը, հյուրընկալությունը և հայկական երաժշտությունը դարձնում այս միջոցառումը յուրահատուկ:
Գինու բույրը, հայկական երաժշտությունը և «Կարաս»-ի հյուրընկալ ոգին միասին ստեղծում էին իսկական գաստրոնոմիկ տոն։
«Կարաս»-ի մասնակցությունը նման նախաձեռնություններին մեկ անգամ ևս ընդգծում է բրենդի հիմնական արժեքները՝ տարածել հայկական մշակույթը, խթանել ավանդական խոհանոցը և մատուցել բարձրակարգ ծառայություն թե՛ Հայաստանում, թե՛ նրա սահմաններից դուրս։
Կարդալ ավելին
