Tertik.am. Ինչպես առցանց լրացնել Արտակարգ դրության տեղաշարժման թերթիկը

<p>Տեխնոլոգիական Զարգացման Կենտրոն Հիմնադրամը,&nbsp;<a href="https://karas.am/" target="_blank">ԿԱՐԱՍ</a>&nbsp;ազգային սննդի ցանցի աջակցությամբ, մարտի 25-ից գործարկել է&nbsp;<strong><a href="https://tertik.am/" target="_blank">tertik.am</a></strong>&nbsp;կայքը, որի միջոցով կարող եք օնլայն և&nbsp;<strong>արագ լրացնել Արտակարգ դրության ժամանակ տեղաշարժման թերթիկը</strong>՝ տպելու նպատակով (տանից դուրս գալուց տպված կամ ձեռքով լրացված թերթիկի առկայությունը պարտադիր է), իսկ տեղաշարժերի ամբողջ պատմությունը պահպանելու համար ներբեռնել լրացված թերթիկը համակարգիչ։<br><br>Կայքի առաջնային նպատակը եղել է «Կարաս» ազգային սննդի ցանցի առաքիչների և այլ աշխատակիցների տեղաշարժի համար լրացվելիք թերթիկների արագ և հարմարավետ ընթացքի կազմակերպումը, ապա որոշում է կայացվել փակ համակարգը բացել և հնարավորություն տալ բոլոր ցանկացողներին օգտվել&nbsp;<strong><a href="https://tertik.am/" target="_blank">tertik.am</a></strong>-ից։ Այս կայքը առավել օգտակար կլինի բոլոր այն բիզնեսների համար, որոնց աշխատակիցները շատ են տեղաշարժվում։ Ի դեպ,&nbsp;<strong>կայքը չի պահպանում այցելուների տեղաշարժերի մասին որևէ տեղեկատվություն։</strong><br><br>Տեխնոլոգիական Զարգացման Կենտրոն Հիմնադրամում հույս ունեն, որ երկրագունդը որքան հնարավոր է շուտ կհաղթահարի այս փորձությունը և&nbsp;<strong><a href="https://tertik.am/" target="_blank">tertik.am</a></strong>-ը իրենց կողմից գործարկված ամենակարճ «կյանք» ունեցած նախագիծը կդառնա, և<br><br>Սա Կարասի առաջին նախագիծը չէ, որ ուղղված է կորոնավիրուսի դեմ պայքարի աջակցությանը։ Մարտի 17-ից սկսած մինչև երկրում արտակարգ դրության ավարտը, Կարասը պարբերաբար ապահովում է Ծաղկաձորում և այլ վայրերում մեկուսացված հարյուրավոր քաղաքացիներին, բուժանձնակազմին, ամբողջ սպասարկող անձնակազմին և ներքին գործերի աշխատակիցներին անվտանգ, սննդարար և համեղ սնունդով։</p><p><em>Կորոնավիրուսի տարածման պատճառով գործող արտակարգ դրության պայմաններում պարետի կողմից ընդունվել է քաղաքացիների տեղաշարժերի սահմանափակման մասին որոշում։ Որոշան համաձայն, տանից դուրս գալիս քաղաքացին պետք է ունենա անձը հաստատող փաստաթուղթ և&nbsp;<strong>լրացված հատուկ տեղաշարժման թերթիկ։</strong></em></p><p><em>«Հորդորում ենք տնից դուրս գալ միայն ծայրահեղ անհրաժեշտության դեպքում: Եթե այնուամենայնիվ դուրս եք եկել, պետք է ունենանք Ձեզ հետ անձը հաստատող փաստաթուղթ և նկարում պատկերված տեղաշարժման թերթիկ, որը պետք է լինի լրացված: Սույն թերթիկն անպայման չէ, որ տպագրված լինի տպիչ սարքով, այլ կարող է լինել ձեռագիր. պարզապես լրացրեք տեղեկատվությունը դատարկ թղթի վրա գրիչով և ստորագրեք», - ասված է&nbsp;<a href="https://covid19.gov.am/hy/sub/news156" target="_blank">կառավարության կայքում:</a></em></p><p><em>Ինքնամեկուսացման և տեղաշարժի&nbsp;<strong>կանոնները խախտելու համար նախատեսված է տուգանք մինչև 200,000 դրամ։</strong></em></p>